ପୁରୁଣା ବଜାର ଥାନାରେ ଧରାହେଲେ ୨ ନିଶା ବେପାରୀ ; ୨୬୦ ଗ୍ରାମ ବ୍ରାଉନସୁଗାର ଜବତ, ଧନ୍ୟବାଦ ଧନାଟୋଲାବାସୀ
ଭଦ୍ରକ ୬/୮ :ଗତକାଲି ପୁରୁଣା ବଜାର ଥାନା ଅଧିକାରୀଙ୍କ ନିର୍ଦ୍ଦେଶ କ୍ରମେ ଚଢାଉ ଦ୍ୱାରା ନଙ୍ଗାମହଲାଠାରେ ସନ୍ଥିଆ ବ୍ରିଜ ପାଖରେ ଚେକିଂ ସମୟରେ ୨୬୦ ଗ୍ରାମର ବ୍ରାଉନ ସୁଗାର ଜବତ ହୋଇଛି ।ଏଥି ସହିତ ଗୋଟିଏ ନମ୍ବର ନ ଥିବା ମୋଟର ସାଇକେଲ ସହ ନଗଦ ୧୭ ହଜାର ଟଙ୍କା ଏବଂ ଆଧାର କାର୍ଡ ପୁଲିସ ଜବତ କରିଛି। ଏହି ଘଟଣାରେ ଦୁଇଜଣଙ୍କୁ ପୁଲିସ ଗିରଫ କରିଛି । ଅଭିଯୁକ୍ତ ଦୁଇଜଣ ହେଲେ ଧନାଟୋଲା ଅଞ୍ଚଳର ସଦାଭ କ୍ୱାଦ୍ରୀ ଓ ନଙ୍ଗାମହଲା ଅଞ୍ଚଳର ଅଜାହାର ଖାଁ ବୋଲି ପୁଲିସ ସୂଚନା ଦେଇଛି । ଏହି ନିଶା କାରବାର ବର୍ତ୍ତମାନ ସାରା ଜିଲ୍ଲାରେ ଚର୍ଚ୍ଚାର ବିଷୟ ହୋଇଥିବାବେଳେ ଏବେ ଗଳି କନ୍ଦିରେ ମଧ୍ୟ ବ୍ୟାପକ ଭାବେ ଚାଲିଛି। ଏହାକୁ ରୋକିବା ପାଇଁ ପୁଲିସ କିଛି ମାତ୍ରାରେ କାର୍ଯ୍ୟ କରୁଥିବାବେଳେ ଏବେ ନିଶା ବେପାରୀ ଓ ନିଶା ସେବନକାରୀଙ୍କୁ ଧରିବା ପାଇଁ ସ୍ଥାନୀୟ ଅଞ୍ଚଳର ଲୋକେ ଅଣ୍ଟା ଭିଡ଼ିଲେଣି। ପୁଲିସ ଏହି ନିଶା ବେପାରୀଙ୍କ ସୂଚନା ପାଇବା ପରେ ଗତକାଲି ଚଢାଉ କରି ଏମାନଙ୍କୁ ଗିରଫ କରିବାରେ ସଫଳ ହୋଇଛି। ଆଗକୁ ଏହି ଚଢାଉ ଆହୁରି ବ୍ୟାପକ କରାଯିବ ବୋଲି ଆଜି ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏସ୍ଡିପିଓ କହିଛନ୍ତି।
ରିପୋର୍ଟ:-ପୁନିଲ କୁମାର ସାମନ୍ତ ।