ବ୍ୟାସନଗର ପୌରପରିଷଦ ପକ୍ଷରୁ ସାତକାଣିଆ ମଙ୍ଗଳା ମନ୍ଦିରରୁ ଶ୍ରୀ ମନ୍ଦିର ଅର୍ପଣ ରଥକୁ ଶୁଭାରମ୍ଭ କଲେ ବିଧାୟକ

ଆସନ୍ତା ୧୭ ତାରିଖରେ ଲୋକାର୍ପିତ ହେବ ବହୁ ପ୍ରତୀକ୍ଷିତ ପୁରୀ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ l ଏହିକ୍ରମର ବ୍ୟାସନଗର ପୌରପରିଷଦ ୱାର୍ଡ ନମ୍ବର ୫ ସାତକାଣିଆ ମଙ୍ଗଳା ମନ୍ଦିର ପରିସରରୁ ଅର୍ପଣ ରଥର ଶୁଭାରମ୍ଭ ହୋଇଛି l ପ୍ରଥମେ ମନ୍ଦିରରେ ପୂଜାର୍ଚ୍ଚନା କରାଯିବା ପରେ ରଥ ବାହାରିଥିଲା l ଏହି ସମୟରେ ୱାର୍ଡର ମହିଳା ତଥା ଜଗନ୍ନାଥ ପ୍ରେମୀ ମାନେ ଗାଁ ରାସ୍ତାରେ ମୁରୁଜ, ଝୋଟି ଚିତା ପକାଇ କଳସ ବସାଇ ରଥକୁ ସ୍ୱାଗତ କରିଥିଲେ l ହୁଳହୁଳି, ଘଣ୍ଟ, ଶଙ୍ଖ, ସଂକୀର୍ତ୍ତନ ତାଳେ ତାଳେ ଜୟ ଜଗନ୍ନାଥ ଧ୍ୱନୀରେ କମ୍ପି ଉଠିଥିଲା ସମଗ୍ର ପରିବେଶ l ରଥ ପରିକ୍ରମା ସମୟରେ ମହିଳା ମାନେ ବନ୍ଦାପନା କରିବା ସହ ହାତରେ ଅରୁଆ ଚାଉଳ, ଗୁଆ ଅର୍ପଣ କରିଥିଲେ l ପୌର ପରିଷଦର କାଉନସିଲର ସଭ୍ୟା ମୋନାଲିସା ସାହୁଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଧାୟକ ଅଶୋକ କୁମାର ବଳ, ପୌର ପରିଷଦର ଉପାଧ୍ୟକ୍ଷ ସୁବାଷ ଚନ୍ଦ୍ର ବଳ, ଜିଲ୍ଲା ମହିଳା ବିଜେଡି ସଭାନେତ୍ରୀ ସବିତା ରାଉତ, ବିଭିନ୍ନ ୱାର୍ଡ କାଉନସିଲ ଓ ପୌର ପରିଷଦର ଅଧିକାରୀ, କର୍ମଚାରୀ ଓ ବହୁ ଜଗନ୍ନାଥ ପ୍ରେମୀ ଯୋଗଦେଇଥିଲେ l ଆଜି ବିଧାୟକ ଶ୍ରୀ ବଳ ଓ କାଉନସିଲର ସଭ୍ୟା ମୋନାଲିସା ସାହୁ ପ୍ରତ୍ୟେକ ଘରୁଘର ବୁଲି ଅରୁଆ ଚାଉଳ ଓ ଗୁଆ ସଂଗ୍ରହ କରାଯିବା ସହ ଜଗନ୍ନାଥ ସଂସ୍କୃତି ସମ୍ପର୍କରେ ପ୍ରଚାର ପ୍ରସାର କରାଯାଇଛି l

ଯାଜପୁର ବ୍ୟାସନଗର ରୁ ଜ୍ୟୋତି ପ୍ରକାଶ ଭୂୟାଁ