ଟ୍ୱିଟ ପରେ ସହାୟତା ପାଇଲେ ଦିବ୍ୟାଙ୍ଗ

ପୁରୀ :୭/୮ – ଆଜିର ସମୟରେ ଲୋକମାନେ ସାମାଜିକ ଗଣମାଧ୍ୟମକୁ ବିଭିନ୍ନ କାର୍ଯ୍ୟରେ ବ୍ୟବହାର କରୁଥିବାବେଳେ ଉର୍ଜାବାନ ଓଡିଶା ଅନୁଷ୍ଠାନର ସଭାପତି ସନ୍ତୋଷ ସେନାପତି ଟ୍ୱିଟର ମାଧ୍ୟମରେ ବ୍ୟବହାର କରି ଜଣେ ଦିବ୍ୟାଙ୍ଗଙ୍କୁ ସହାୟତା ପ୍ରଦାନ କରିଛନ୍ତି । ପୁରୀ ଜିଲ୍ଲା ନିମାପଡ଼ା ବ୍ଲକ ଭୋଗ ସାଳଦା ପଞ୍ଚାୟତର ଶତ ପ୍ରତିଶତ ଦିବ୍ୟାଙ୍ଗ ପୁରୁଷୋତ୍ତମ ବେହେରା, ବିନା ସହାୟତାରେ କୌଣସି କାର୍ଯ୍ୟ କରିବା ସମ୍ଭବପର ନଥିବା ବେଳେ ସରକାର କିମ୍ବା ପ୍ରଶାସନଙ୍କ ତରଫରୁ ହୁଇଲ ଚେୟାର ଆଜି ଯାଏ ମିଳିପାରିନଥିଲା । ତେବେ ଟ୍ୱିଟ ଯୋଗେ ଧ୍ୟାନ ଆକର୍ଷଣ କରିବା ପରେ ଗତ ୪ ତାରିଖରେ ତାଙ୍କୁ ଜିଲ୍ଲା ପ୍ରଶାସନ ପକ୍ଷରୁ ହୁଇଲ ଚେୟାର ପ୍ରଦାନ କରାଯାଇଛି । ବାସ୍ତବିକ୍ ସାମାଜିକ ଗଣମାଧ୍ୟମ ଦ୍ୱାରା ଏମିତି ସହାୟତା ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ହେବ।