ପାରାଦ୍ଵୀପ – ପାରାଦ୍ଵୀପ ପୋର୍ଟ ପେନଶନର୍ସ ଆସୋସିଏସନ (ପିପିପିଏ) ର ସାଧାରଣ ସମ୍ପାଦକ ତଥା ପୂର୍ବତନ ଶ୍ରମିକ ନେତା ସ୍ବର୍ଗତ ପର୍ଶୁରାମ ମଲ୍ଲିକ ଙ୍କ ଉଦେଶ୍ୟ ରେ ଏକ ଶ୍ରଦ୍ଧାଞ୍ଜଳି ସଭା ଶୁକ୍ରବାର ଦିନ ସଙ୍ଘ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ସଙ୍ଘର କାର୍ଯ୍ୟକାରୀ ସଭାପତି ବୈଷ୍ଣବ ଚରଣ ପଟନାୟକ ଙ୍କ ନେତୃତ୍ୱ ରେ ଆୟୋଜିତ ଏହି ଶ୍ରଦ୍ଧାଞ୍ଜଳି ସଭା ରେ ପେନଶନର୍ସ ଆସୋସିଏସନ ର ଉପସଭାପତି ଗୁଣନିଧି ଚୌଧୁରୀ, ସହ ସମ୍ପାଦକ ନିତ୍ୟାନନ୍ଦ ପଣ୍ଡା, ସଭ୍ୟ ରବୀନ୍ଦ୍ର ଦାସ, ନଗେନ ଶତପଥୀ, ନିମାଇଁ ରାଉତ, ଶୁଭେନ୍ଦୁ ଆଚାର୍ଯ୍ୟ, କୃଷ୍ଣ ଚନ୍ଦ୍ର ମାଝୀ, ସୁଶାନ୍ତ ପଟନାୟକ ପ୍ରମୁଖ ସ୍ବର୍ଗତ ମଲ୍ଲିକ ଙ୍କ ଫୋଟୋଚିତ୍ର ରେ ପୁଷ୍ପମାଲ୍ୟ ଅର୍ପଣ ଓ ପ୍ରଦୀପ ପ୍ରଜ୍ୱଳନ କରି ତାଙ୍କର ନିଷ୍ଠା,କଠିନ ପରିଶ୍ରମ ଓ ସଙ୍ଘ ପ୍ରତି ଅବଦାନ କୁ ସ୍ମରଣ କରିଥିଲେ।
ସେହିପରି ସଙ୍ଘର ପୂର୍ବତନ ସଭାପତି ପ୍ରସନ୍ନ କୁମାର ଆଚାର୍ଯ୍ୟ, ସଭାପତି ଜାତିକାନ୍ତ ବେହେରା, ବସନ୍ତ ନାୟକ, ପିଡିଡବ୍ଲୁ ୟୁନିଅନ ସମ୍ପାଦକ ଅନନ୍ତ ଦାସଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଓ ଅନୁଷ୍ଠାନ ସ୍ବର୍ଗତ ମଲ୍ଲିକଙ୍କ ବିୟୋଗରେ ସମବେଦନା ଜଣାଇ ସଙ୍ଘ ପ୍ରତି ତାଙ୍କର ଅବଦାନ ସମ୍ପର୍କ ସ୍ମରଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି।