ମୁଣ୍ତମରାଇ ଉଚ୍ଚ ମାଧ୍ୟମିକ ବିଦ୍ୟାଳୟର ବାର୍ଷିକ କ୍ରୀଡା ଉତ୍ସବ

ଧରାକୋଟ:-୨୧/୧୨ ମୁଣ୍ତମରାଇ ସ୍ଥିତ ସୋମନାଥ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟର ବାର୍ଷିକ କ୍ରୀଡା ଉତ୍ସବ ଦୁଇଦିନ ଧରି ଅନୁଷ୍ଠିତ ହୋଇଯାଇଛି। କୋଠରୀ ମନ୍ଦିରରୁ ମଶାଲ ଶୋଭାଯାତ୍ରା ରେଆସିଥିବା ବେଳେ ବିଦ୍ୟାଳୟ ଖେଳ ପଡିଆ ରେ ଧରାକୋଟ ଥାନା ଅଧିକାରୀ ଚନ୍ଦ୍ରିକା ସ୍ୱାଇଁ ଉପସ୍ଥିତ ରହି କ୍ରୀଡା ଜ୍ୟୋତି କୁ ଗ୍ରହଣ କରି କ୍ରୀଡା ଉତ୍ସବ ର ଶୁଭାରମ୍ଭ କରିଥିଲେ । ଏହି ଅବସରରେ ଅଧ୍ୟକ୍ଷ ଦିଗମ୍ବର ବିଶୋଇ ପ୍ୟାରେଡ ରେ ଅଭିବାଦନ ଗ୍ରହଣ କରିଥିଲେ। ଯୁକ୍ତ ଦୁଇ ଶିକ୍ଷା ପରିଷଦର ବାଳିକା ବିଭାଗରେ ଭାଗ ନେଇଥିବା ଛାତ୍ରୀ ଚାନ୍ଦିନୀ ପ୍ରଧାନ କୁ ସମ୍ବର୍ଦ୍ଧିତ କରାଯାଇଥିଲା । ଆୟୋଜିତ ଖେଳ ମଧ୍ୟରେ ବିଭିନ୍ନ ଦୌଡ଼ ପ୍ରତିଯୋଗିତା,ଲମ୍ବା ଡିଆଁ, ଉଚ୍ଚ ଡିଆଁ, ସଟ ପୁଟ, ଜଭେଲିନ, ଡିସକସ ଆଦି ରହିଥିଲା । ମୁଖ୍ୟ ଅତିଥି କ୍ରୀଡା ଦ୍ଵାରା ଏକ ଶୃଙ୍ଖଳା ମୟ ଓ ସୁସ୍ଥ ଶରୀର ଗଠନ ହେବାସହ ଏହା ପ୍ରତିଯୋଗୀ ସହ ସମୟନୁବର୍ତ୍ତିତା ହେବାର ଶିକ୍ଷା ଦେଇଥାଏ ବୋଲି ପ୍ରକାଶ କରିଥିଲେ। ବିଭିନ୍ନ ବିଦ୍ୟାଳୟର କ୍ରୀଡ଼ା ଶିକ୍ଷକ ପାଣ୍ଡବ ସ୍ୱାଇଁ,ଅନିଲ ନାୟକ, ମଙ୍ଗୁଳୁ ଜେନା,ଶିବରାମ ପାଣିଗ୍ରାହୀ,ଲକ୍ଷ୍ମୀ ନାରାୟଣ ବେହେରା ଓ ପୂର୍ବତନ କ୍ରୀଡାବିତ ବସନ୍ତ ନାୟକ,ମହେଶ ସାହୁ,ଅକ୍ଷୟ କୁମାର,ସୁଶାନ୍ତ କୁମାର, ଦିନେଶ ନାୟକ ଙ୍କ ସମେତ ବିଦ୍ୟାଳୟର ସମସ୍ତ ଅଧ୍ୟାପକ ଓ ଅଧ୍ୟାପିକା ସହଯୋଗ ପ୍ରଦାନ କରିଥିଲେ। ଏହି ଉତ୍ସବ କୁ ଶାରୀରିକ ଶିକ୍ଷା ଶିକ୍ଷକ କେ ନାନବାବୁ ଦୋରା ପରିଚାଳନା କରିଥିଲେ। ବାଳିକା ବିଭାଗରେ ଅରପା ଗମାଙ୍ଗ ଓ ବାଳକ ବିଭାଗରେ ରାଜେଶ ସାହୁ ଚମ୍ପିୟାନ ହୋଇଥିଲେ।