ତାଲା ଭାଙ୍ଗି ଅଙ୍ଗନବାଡି କେନ୍ଦ୍ରରେ ଚୋରୀ

ହିଞ୍ଜିଳିକାଟୁ ,ହିଞ୍ଜିଳି ଥାନା ଦାରୁଭଦ୍ରା ଗ୍ରାମ ଅଙ୍ଗନବାଡ଼ି କେନ୍ଦ୍ର-୧ରୁ ସୋମବାର ବିଳମ୍ବିତ ରାତିରେ ଲୁଟ୍ ହୋଇଥିବା ଜଣାପଡିଛି। ଘଟଣା ନେଇ ଠିକାଦାର ହିଞ୍ଜିଳି ଥାନା ସାପୁଆପଲ୍ଲୀ ଗ୍ରାମର ଶିବରାମ ସାବତ ହିଞ୍ଜିଳି ଥାନାରେ ଅଭିଯୋଗ କରିଛନ୍ତି। ତେବେ ଖବର ଲେଖା ହେବା ସୁଦ୍ଧା ଘଟଣା ନେଇ ହିଞ୍ଜିଳି ଥାନାରେ ମାମଲା ରୁଜୁ ହୋଇନଥିବା ଥାନା ସୂତ୍ରରୁ ପ୍ରକାଶ। ପ୍ରକାଶ ଯେ, ହିଞ୍ଜିଳିକାଟୁ ବ୍ଳକ ତଥା ହିଞ୍ଜିଳି ଥାନା ଦାରୁଭଦ୍ରା ଗ୍ରାମର ଅଙ୍ଗନବାଡ଼ି କେନ୍ଦ୍ରରୁ ସୋମବାର ବିଳମ୍ବିତ ରାତିରେ କୈାଣସି ଦୁବୃର୍ତ୍ତ କବାଟ ତାଲା ଭାଙ୍ଗି କେନ୍ଦ୍ରରୁ ୩ଟି ସିଲିଂ ଫେନ୍, ପାଣିଟ୍ୟାପ୍, ଲାଇଟ୍ ସମେତ ବହୁ ଆସବାବପତ୍ର ଲୁଟ୍ କରି ଫେରାର ହୋଇଯାଇଥିଲେ। ମଙ୍ଗଳବାର ସକାଳେ ଠିକାଦାର ଅଙ୍ଗନବାଡ଼ି କେନ୍ଦ୍ରକୁ ଯାଇ ଦେଖିବା ସମୟରେ ଅଙ୍ଗନବାଡ଼ି କେନ୍ଦ୍ର ଦରଜା ତାଲା ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ଅଙ୍ଗନବାଡ଼ି କେନ୍ଦ୍ର ଭିତରକୁ ଯାଇ ଦେଖିବା ବେଳକୁ କେନ୍ଦ୍ରରୁ ବହୁ ବୈଦ୍ୟୁତିକ ସାମଗ୍ରୀ ଓ ଆସବାବପତ୍ର ଚୋରୀ ହୋଇଥିବା ଜଣାପଡିଥିଲା। ଘଟଣା ନେଇ ଠିକାଦାର ସାବତ ହିଞ୍ଜିଳିକାଟୁ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଜଣାଇଥିଲେ। ପରେ ଘଟଣା ନେଇ ଠିକାଦାର ସାବତ ମଙ୍ଗଳବାର ହିଞ୍ଜିଳି ଥାନାରେ ଅଭିଯୋଗ କରିଥିଲେ।