ବନ୍ୟା ସ୍ରୋତରେ ଭାସିଯାଇ ନିଖୋଜ ହୋଇଥିବା ଯୁବକଙ୍କ ମୃତଦେହ ଉଦ୍ଧାର

ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ଅଧିନ ରହଣିଆ ଗ୍ରାମ ପଞ୍ଚାୟତ ନୋଉରଗପୁର ଗାଁ ଅରୁଣ ରାଉତଙ୍କ ଏକମାତ୍ର କଲେଜ ପଢୁଆ ପୁଅ ନିରଜ ରାଉତ (୧୮) ବୈତରଣୀ ନଦୀରେ ଆସିଥିବା ବନ୍ୟା ସ୍ରୋତରେ ଭାସିଯାଇ ମୃତ୍ୟୁବରଣ କରିଛନ୍ତି। ନିକଟ ମାଳଦା ବଜାରକୁ ମେଡିସିନ ଆଣିବାକୁ ଯାଉଥିବାବେଳେ ଗାଁ ମୁଣ୍ଡ ପୋଲ ଉପରେ ବନ୍ୟା ପାଣିରେ ଭାସିଯାଇ ଥିଲେ। ସ୍ଥାନୀୟ ଲୋକେ ଉଦ୍ଧାର କରି ଯାଜପୁର ମେଡିକାଲକୁ ନେଇଥିଲେ ସୁଦ୍ଧା ଡାକ୍ତର ମୃତ ଘୋଷଣା କରିଥିଲେ। ଯୁବକଙ୍କ ମୃତ୍ୟୁପରେ ଗାଁରେ ଶୋକର ଛାୟା ଖେଳିଯାଇଛି ।