ବୈବାହିକ ଅସନ୍ତୋଷର ଛୋଟ ଘଟଣାକୁ ଅପବ୍ୟବହାର କିମ୍ବା ନିର୍ଯ୍ୟାତନା ବୋଲି କୁହାଯାଇପାରିବ ନାହିଁ : କୋର୍ଟ

ମହାରାଷ୍ଟ୍ର : ମହାରାଷ୍ଟ୍ରର ଥାନେ ଜିଲାର ଏକ କୋର୍ଟ ଜଣେ ୩୮ ବର୍ଷୀୟ ଜଣେ ବ୍ୟକ୍ତିଙ୍କୁ ତାଙ୍କ ପତ୍ନୀଙ୍କୁ ନିର୍ଯାତନା ଦେବା ସହ ଆତ୍ମହତ୍ୟା ପାଇଁ ଉସୁକାଇବା ଘଟଣାରେ ନିର୍ଦ୍ଦୋଷ ସାବ୍ୟସ୍ତ କରିଛନ୍ତି ।

ଅତିରିକ୍ତ ଅଧିବେଶନ ଜଜ୍ ପିଏମ ଗୁପ୍ତା ତାଙ୍କ ଆଦେଶରେ କହିଛନ୍ତି ଯେ, ସୁରେଶ ଚିକାନେଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗ ପ୍ରମାଣ କରିବାରେ ବିଫଳ ହୋଇଛି । ସେ କହିଛନ୍ତି ଯେ ଏପ୍ରିଲ ୬ ରେ ଘୋଷିତ ଅର୍ଡରର ଏକ ନକଲ ନିକଟରେ ଉପଲବ୍ଧ କରାଯାଇଛି ।

ଓକିଲଙ୍କ କହିବାନୁସାରେ, ଏକ ଘର ନିର୍ମାଣ ପାଇଁ ଅଭିଯୁକ୍ତ ତାଙ୍କ ପତ୍ନୀଙ୍କ ଠାରୁ ୫ ଲକ୍ଷ ଟଙ୍କା ମାଗିଥିଲେ। ଏହି ନିର୍ଯ୍ୟାତନାରେ ଅସନ୍ତୁଷ୍ଟ ହୋଇ ମହିଳା ଜଣକ ଗତ ୨୦୧୩ ଜାନୁୟାରୀ ୪ ତାରିଖରେ କୀଟନାଶକ ପିଇ ଦେଇଥିଲେ ଏବଂ ସେହି ଦିନ ଡାକ୍ତରଖାନାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା ।

ଅଦାଲତ ତାଙ୍କ ଆଦେଶରେ ଦର୍ଶାଇଛନ୍ତି ଯେ, ମୃତ ପତ୍ନୀଙ୍କ ଓକିଲଙ୍କ ପକ୍ଷରୁ କୌଣସି ନିର୍ଦ୍ଦିଷ୍ଟ ତଥା ବିଶ୍ୱାସଯୋଗ୍ୟ ପ୍ରମାଣ ପ୍ରସ୍ତୁତ କରାଯାଇ ନାହିଁ, ଯେଉଁଥିରେ ଅଭିଯୁକ୍ତ ସ୍ୱାମୀ ଲଗାତାର ତାଙ୍କ ପତ୍ନୀଙ୍କୁ ତାଙ୍କ ମାଗିବା ସହ ଏଥିପାଇଁ ସେ ତାଙ୍କ ପତ୍ନୀଙ୍କୁ ହଇରାଣ କରୁଥିଲେ ଓ ନିର୍ଯାତନା ମଧ୍ୟ ଦେଉଥିଲେ ।

ଅଦାଲତ କହିଛନ୍ତି ଯେ ବୈବାହିକ ମତଭେଦର ସାମାନ୍ୟ ଘଟଣାକୁ ଦୁର୍ବ୍ୟବହାର କିମ୍ବା ନିର୍ଯ୍ୟାତନା କୁହାଯାଇପାରିବ ନାହିଁ ଏବଂ ଏହା ଆତ୍ମହତ୍ୟା କରିବାର କାରଣ ହୋଇପାରିବ ନାହିଁ । ଆଦେଶରେ କୁହାଯାଇଛି ଯେ, ସ୍ୱାମୀଙ୍କ ସହ ଝଗଡ଼ା ହେବା ପରେ ପତ୍ନୀ ଜଣକ କୀଟନାଶକ ଔଷଧ ଖାଇ ତାଙ୍କ (ସ୍ୱାମୀ)ଙ୍କୁ ଏନେଇ ଜଣାଇଥିଲେ। ଏହା ପରେ ଅଭିଯୁକ୍ତ ସ୍ୱାମୀ ତାଙ୍କ ପତ୍ନୀଙ୍କୁ ଚିକିତ୍ସା ପାଇଁ ଡାକ୍ତରଖାନା ନେଇଥିଲା, ମାତ୍ର ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବି ସହ ମୃତ୍ୟୁ ହୋଇଥିଲା । ଅଭିଯୁକ୍ତକୁ ନିର୍ଦ୍ଦୋଷରେ ଖଲାସ କରିବାବେଳେ କୋର୍ଟ କହିଛନ୍ତି ଯେ, ଅପରପକ୍ଷଙ୍କ ପକ୍ଷରୁ ସ୍ୱାମୀଙ୍କୁ ଅଭିଯୁକ୍ତ ପ୍ରମାଣ କରିବାରେ ବିଫଳ ହୋଇଛନ୍ତି ଯେ, ଅଭିଯୁକ୍ତ ସ୍ୱାମୀ ଜଣକ ତାଙ୍କ ପତ୍ନୀଙ୍କୁ ଆତ୍ମହତ୍ୟା କରିବା ପାଇଁ ଉସୁକାଇଛନ୍ତି ଏବଂ ଏହି କାରଣରୁ ତାଙ୍କ ପତ୍ନୀ ଆତ୍ମହତ୍ୟା କରିଥିଲେ ।