କେନାଲରେ ବୁଡି ଜଣେ ମୃତ

କାମାକ୍ଷାନଗର:୨୪/୧୦- ଢେଙ୍କାନାଳ ଜିଲା ପରଜଙ୍ଗ ଥାନା ମେଣ୍ଢାପଦା ଦେଇ ଯାଇଥିବା କେନାଲରେ ବୁଡି ଜଣେ ଜଳଖିଆ ଦୋକାନୀଙ୍କ ମୃତ୍ୟୁ ହୋଇଛି।ମୃତକ ଜଣକ ହେଲେ ମେଣ୍ଢାପଦା ଗାଁର ଡିଲେଶ୍ୱର ବିଶ୍ଵାଳ।ସୂଚନା ମୁତାବକ ଡିଲେଶ୍ବର ଙ୍କ ମେଣ୍ଢାପଦା ଛକ କେନାଲ ନିକଟରେ ଏକ ଜଳଖିଆ ଦୋକାନ ରହିଛି।ସବୁ ଦିନ ପରି ଗତ ଶନିବାର ରାତିରେ ସେ ଦୋକାନ ବନ୍ଦ କରି ଶୌଚ ପାଇଁ ଉକ୍ତ କେନାଲକୁ ଯାଇଥିବା ବେଳେ ଅସାବଧାନତା କାରଣରୁ କେନାଲରେ ବୁଡି ଯାଇଥିଲେ।ପରିବାର ଲୋକେ ବହୁ ଖୋଜା ଖୋଜି ପରେ ଆଜି ସକାଳୁ ତାଙ୍କ ମୃତ ଦେହ କେନାଲ ତଳ ପାର୍ଶ୍ୱରେ ଥିବା ଗେଟରେ ଲାଗିଥିବା ଦେଖି ପୋଲିସକୁ ଖବର ଦେଇଥିଲେ।ଘଟଣା ସ୍ଥଳରେ ପୋଲିସ ପହଞ୍ଚି ମୃତ ଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି।

ରିପୋର୍ଟ- ପ୍ରକାଶ କୁମାର ପାତ୍ର।