ସ୍ତ୍ରୀ ସାମ୍ନାରେ କେନାଲରେ ବୁଡି ଗଲେ ଠାକୁର
-ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ରେଙ୍ଗାଳି ବାମ ପାର୍ଶ୍ୱ କେନାଲର ଚୁଳିଆ ମୁଣ୍ଡାସାହି ନିକଟରେ କେନାଲରେ ପଡି ଜଣେ ସାଇକେଲ ଚାଳକଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ କାମାକ୍ଷାନଗର ଥାନା କାଦବସନ୍ତ ଗାଁର ଠାକୁର ମୁର୍ମୁ। ଠାକୁର ସାଇକେଲ ଯୋଗେ ଲେମ୍ବୁପାଳ ଗାଁ ସ୍ଥିତ ଝିଅ ଘରୁ ଫେରୁଥିବା ବେଳେ କେନାଲ ଭିତରକୁ ଖସି ପଡ଼ିଥିଲେ। ତେବେ ସ୍ତ୍ରୀ ସାମ୍ନାରେ କେନାଲ ଭିତରକୁ ଖସି ପଡ଼ିଥିଲେ ଠାକୁର । କ୍ଷଣକ ଭିତରେ ହିଁ ତାଙ୍କର ମୃତ୍ୟୁ ହୋଇଥିଲା। ଖବର ପାଇ କାମାକ୍ଷାନଗର ଅଗ୍ନିଶମ ବାହିନୀ କେନାଲ ଭିତରୁ ଠାକୁରଙ୍କ ମୃତ ଦେହ ଉଦ୍ଧାର କରିଛନ୍ତି । ଏ ନେଇ ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।