ମାଲବାହି ଅଟୋରେ ନିଆଁ ଲାଗିବାରୁ ଲୋକ ଯାତାୟାତ ବନ୍ଦ
ଭଦ୍ରକ ଜିଲ୍ଲା ଧାମନଗର ବ୍ଲକ ଧାମନଗର ଚୂଡ଼ାକୁଟି ରାସ୍ତାରେ ଆଜି ଏକ ଡ଼ାଲା ଅଟୋ ଜଳୁଥିବାର ଦୃଶ୍ୟ ଦେଖିବାକୁ ମିଳିଛି। ସୂଚନା ଅନୁଯାୟୀ ଧାମନଗର ଚୂଡ଼ାକୁଟି ରାସ୍ତାରେ ଥିବା ନହବରୀ ଛକ ନିକଟରେ ଏକ ମାଲ ବାହି ଅଟୋ(OD 22 D 8935) ଧାମନଗରରୁ କଲ୍ୟାଣି ଅଭିମୁଖେ କଣ୍ଟ୍ରୋଲ କିରୋସିନି ନେଇ ଯାଉଥିବା ସମୟରେ,କୌଣସି କାରଣରୁ ଗାଡ଼ିରେ ନିଆଁ ଲାଗିଥିଲା। ଏହା ଦେଖି ଡ୍ରାଇଭର ଜଣକ ଜୀବନ ବଞ୍ଚାଇ ଗାଡ଼ିରୁ ବାହାରି ଯାଇଥିଲେ। ପରେ ଗାଡିଟି ପୁରା ଜଳିବାକୁ ଲାଗିବାରୁ ଲୋକ ଯାତାୟାତ କୁ ସ୍ଥାନୀୟ ଗ୍ରାମବାସୀମାନେ ବନ୍ଦ କରି ଧାମନଗର ଅଗ୍ନିଶମ ବିଭାଗ କୁ ଅବଗତ କରାଇଥିଲେ.ପରେ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ କରିବା ସହିତ, ଲୋକ ଯାତାୟାତକୁ ପୁନଶ୍ଚ ଚାଲୁ କରିଥିଲେ।
ରିପୋର୍ଟ :-ପୁନିଳ କୁମାର ସାମନ୍ତ।