ବାଲୁକା କଳା ରେ ବିଚ ଭଲିବଲର ମହକ

ପୁରୀ ୧୮/୧୨ ପୁରୀ ନୀଳାଦ୍ରି ବିଚ ଠାରେ ୬୮ ତମ ଜାତୀୟ ୧୭ ବର୍ଷ ରୁ କମ ବାଳକ ଓ ବାଳିକା ବିଚ ଭଲିବଲ ଚମ୍ପିୟାନସିପ ଅନୁଷ୍ଠିତ ହେଉଅଛି।ରାଜ୍ୟ ସ୍କୁଲ ସ୍ପୋର୍ଟ୍ସ ଆସୋସିଏସନ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗ ସହଯୋଗ ରେ ଏହା ଆୟୋଜିତ ହେଉଅଛି।ଏହି ଅବସରରେ ଚମ୍ପିୟାନସିପକୁ ଅଧିକ ଆକର୍ଷଣୀୟ ଓ ସ୍ମରଣୀୟ କରିବାକୁ ବିଶ୍ୱମ୍ଭର ବିଦ୍ୟାପୀଠର ବିଜ୍ଞାନ ଶିକ୍ଷକ ଆଶିଷ କୁମାର ଜେନାଙ୍କ ଦ୍ୱାରା କରାଯାଇଥିଲା

ଏକ ବାଲୁକା କଳା।ଚମ୍ପିୟାନସିପକୁ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିବା ପୁରୀ ବିଧାୟକ ସୁନିଲ କୁମାର ମହାନ୍ତି ଓ ଅନ୍ୟାନ୍ୟ ଅତିଥି ମାନେ ଏହି ବାଲୁକା କଳା କୁ ପରିଦର୍ଶନ କରିବା ସହ ଉଚ୍ଚ କୋଟୀର କଳା ପ୍ରତିଭା ପାଇଁ ଆଶିଷ ଙ୍କୁ ଧନ୍ୟବାଦ ଦେଇଥିଲେ।ବାଲୁକା କଳା ରେ ମହନ୍ତ ଗଦାଧର ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ଚନ୍ଦ୍ରକାନ୍ତ ଦଳବେହେରା ଓ ସୁଖଳତା ସ୍ମୃତି ସରକାରୀ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ରବୀନ୍ଦ୍ର ବେହେରା ସହଯୋଗ କରିଥିଲେ।